Feeds:
પોસ્ટો
ટિપ્પણીઓ

Archive for જૂન, 2008

અકસ્માતે પણ આપણે જન્મ્યા એ હકીકતને ભુલ્યા વગર

પરપોટામાં ફાટીને કે ફુલીને પણ આપણે જીવવું પડશે

ભલે એ રોષમાં ગભરાટમાં કે લકવાથી બીડાઇ હોય

 લાખોની કે રાખોની મુઠ્ઠી ખુલીને આપણે જીવવું પડશે

હયાતિના પુરાવા શોધીને પણ આપ શું પુરવાર કરશો

આપણે ખુદ આપણને ભુલીને પણ આપણે જીવવું પડશે

રીંગણ અને બ્રીંજલ જેવા નિર્દોષ રેગન કે બ્રેઝનેવ ન હોય

જગતની વેદના કબુલીને પણ આપણે જીવવું પડશે

Advertisements

Read Full Post »

તું લાગણીનું લીલુંછમ ઝરણ

હું શુષ્ક ઉજ્જડ રેતાળ રણ

ભુલવામાં વીતશે જીંદગી

યાદ રાખવાની ખોટી મથામણ

મારા શબ્દોનું શું કામ પડ્યું

લે મનેજ મુકી દે અવતરણ

જીંદગી એજ ઢાંચામાં ઢળશે

રહેશે આવકાર ને આમંત્રણ

તું તનેજ જીવે એ અભ્યર્થના

મહોરા પહેરી બેઠા દરેક જણ

Read Full Post »

એક રિયલ ટાઇમ હીરોની વિદાય ફીલ્ડમાર્શલ સામ માણેકશા નું ગઇ કાલે દેહાવસાન થયું 1971 મોટા થવાની ઉમર અને ત્યારે અમારા હીરો હતા સામ માણેકશા પી.સી.લાલ અને એડમીરલ નંદા આજે ગુજરાતના વર્તમાનપત્રોમાં માણેકશા વિષે વાંચવાની ઉમ્મીદ હતી એ કમભાગ્યે ખોટી પડી.કટોકટી વખતે એક અફવા એવી આવી હતી કે માણેકશા સરકાર ઉથલાવી ને પોતે સરકારના વડા તરીકે નીમાશે પણ એ ફક્ત અફવા નીકળી .ચુસ્ત લશ્કરી ગણવેશમાં માણેકશાને જોવા એક લહાવો હતો વર્ષો સુધી 1971ના યુધ્ધના સમાચાર અને માણેકશા વીશેની માહીતી ના કટીંગ સાચવી રાખ્યા હતા અને સ્કુલના પ્રદર્શનમાં એમનું એક ચિત્ર પણ બનાવી મુક્યું હતું એવા હીરોને અલવીદા

Read Full Post »

‘ ગદ્યસુર’

http://gadyasoor.wordpress.com/2008/06/13/mumbai_tea/

લેખક સુરેશભાઇ જાની

મુંબાઈમાં રાતે ચા!

June 13, 2008 at 1:00 am | In 1 |

     જયેશ, તમે મુંબાઈના તારદેવ વીસ્તારમાં રહો છો. દરરોજ સાંજે તમારા બીજા બે દીલોજાન મીત્રો સાથે મળવાની તમને આદત છે. તમે ત્રણે મીત્રો ન મળો તો એકેયને ચેન ન પડે એવી ગાઢી એ બીરાદરી છે. બસ સ્ટેન્ડ ઉપર કે કોઈ બંધ દુકાનના ઓટલા ઉપર તમારી ત્રણેની જુગલબંધી રોજ જામતી હોય છે. અલકમલકની વાતો અને ગપાટામાં ક્યાં સમય પસાર  થઈ જાય છે;  તેની એકેયને ખબર પડતી નથી.  

     ભારતના પ્રધાનમંત્રી કે રાજ્યના મુખ્ય મંત્રી કારભાર ચલાવવામાં શું ભુલ કરી રહ્યા છે; એ તમે બહુ ગંભીરતાથી ચર્ચો છો. અથવા ક્રીકેટની ટેસ્ટ મેચમાં કોને કેપ્ટન બનાવવામાં આવે, તો ભારતની ટીમ કાંઈક ઉકાળી શકે;  તે તમારા એ લંબુ મીત્રને બરાબર ખબર છે. વળી કો’ક વાર મીનાકુમારી અને હેમા માલીની એ બેમાંથી વધારે સૌન્દર્યવાન કોણ ? એ બાબતમાં તમારા ત્રણેના પોતપોતાના ખયાલો હોય છે. પણ કદી આ મતભેદોએ તમારી મીત્રતાને ઉની આંચ આવવા દીધી નથી. બધી બાબતમાં અચુક મતભેદ હોવા છતાં, મીત્રતા ટકાવવાની આ બાબતમાં તમે ત્રણે હમ્મેશ એકમત હો છો!

   અને તે દીવસે આવી જ કોઈ ચર્ચામાં ગળાડુબ તમે ત્રણેએ બસ સ્ટેન્ડ પર આવતી છેલ્લી બસને વીદાય આપી દીધી   છે. પણ તમારી વાત એક એવા અગત્યના ત્રીભેટે આવીને ઉભેલી છે કે, તે મહત્વનો નીર્ણય અને એકવાકયતા સાધવાનું  અત્યંત જરુરી બની ગયેલું છે. આમ ન થાય તો વીશ્વશાંતી જોખમમાં મુકાઈ શકે છે!  કદાચ આવતીકાલ સવારે અણુયુધ્ધ પણ છેડાઈ જાય એવી આ ગહન બાબત છે! રોજના નીયમ પ્રમાણે ત્રણમાંથી એક પણ, ‘ જવા દો ને યાર, હવે કાલે વાત.’ એમ આળસ મરડીને બોલવા તૈયાર નથી. ખરેખર કોઈ ગંભીર બીના ઘટવાની છે.

    અને એમ જ બને છે !!!

    હવે રાતના એક વાગી ગયો છે. આ ગહન પ્રશ્નનો ઉકેલ લાવવા, ચાનો એક કપ તમને ત્રણેય જણને બહુ જરુરી લાગે છે. તમે સામેની ફુટપાથ પરની એક દેશી હોટલના સહારે જવાનું સર્વાનુમતે નક્કી કરો છો. કમ સે કમ આ એક બાબતમાં તમારી ત્રણે જણની વચ્ચે એકવાક્યતા સધાઈ ગઈ છે. તમે ત્રણેય મીત્રો એ દુકાન બંધ થાય તે પહેલાં, ચાનો  ઓર્ડર આપવા ઝડપથી એ તરફ પગલાં માંડો છો.

   અને તમને આવતા જોઈ એ શાણો હોટલમાલીક દુકાનનું અડધું પાડેલું શટર પાછું ખોલી દે છે. માત્ર કાઉન્ટર પરની એક જ લાઈટ ચાલતી હતી, એની જગ્યાએ આ ત્રણ મહાનુભાવો પાસેથી છેલ્લો વકરો કરી લેવાની લાલચમાં બીજી ત્રણ લાઈટો ચાલુ કરી, એ તમારો ભાવભીનો સત્કાર કરે છે. ચા બનાવવાનો પ્રાયમસ ક્યારનોય ઠંડો પડી ગયેલો છે. ચા બનાવવાનું તપેલું પણ ઉડકાઈને ચકચકાટ અભરાઈને શોભાવી રહ્યું છે. ભજીયાની કઢાઈ પણ ક્યારનીય ઠંડી પડી; કાલ સવાર સુધીની નીંદરમાં ટુંટીયું વાળીને સુતી છે.  બીસ્કુટના પડીકાં અને પાંઉ કાચની પેટીમાં બંધબારણે આરામ ફરમાવી રહ્યાં છે.

    અને તમે ત્રણ ‘આશા ભર્યાં તે અમે આવીયાં.. ‘ એ મુડમાં હરખભેર હોટલની પાટલી પર સામસામા બીરાજો છો. માલીક મહાશય આંખો ચોળતા રસોઈયાને સાબદો કરે છે; અને થડા પરથી ઓર્ડર લેનાર હોટલ-બોયને હાક મારી બોલાવે છે;  અને તમારી પાટલી તરફ મહાન આશા સાથે મોકલે છે.

    એક મહાન પ્રશ્નની ચર્ચા કરનાર અતી- મહાન વ્યક્તીઓની ટોળીના મુખીયા તરીકે ઓર્ડર આપવાની તમારી જવાબદારી અદા કરવા તમે પ્રવ્રુત્ત બનો છો. અને જયેશ! તમારા મુખમાંથી વાણી સરી પડે છે,  ” ત્રણ કટીંગ…” અને એક કટીંગના દસીયા લેખે ત્રીસ પૈસા તમારા ખીસ્સામાં છે કે નહીં તેની ખાતરી તમે કરી લો છો.

    અને ત્યાંજ  વીશ્વશાંતી તો નહીં, પણ રાતના એક વાગે એ સુમસામ  હોટલની શાંતી તો જરુર જોખમાય છે. બોમ્બ ધડાકો થવાનો હોય એમ હોટલમાલીકના મુખમાંથી એક નોન-પાર્લામેન્ટરી ગાળ સરી પડવાની તૈયારીમાં છે. પણ કાયમ માટે આ બહુ મુલ્યવાન ઘરાક ન ગુમાવવાની લાલચ અને ગરજમાં, શાણા વેપારી તરીકે તે તમને ‘ ત્રીસ પૈસાની, ત્રણ કટીંગ ચા રાતના એક વાગે’ બનાવવાની તેની અશક્તી સમજાવે છે; અને આવતીકાલે સવારે જરુર પધારવાનું પ્રેમભર્યું ઈજન આપે છે.

    તમે ત્રણે પરીસ્થીતીની ગંભીરતા સમજી, ચા મેળવવાની લાલચ રોકી, આ બાબતમાં આગળ ચર્ચા કરવાનું કે હોટલમાલીક સાથે  જીભાજોડીમાં ઉતરવાનું ટાળી, દુકાનનાં પગથીયાં ઉતરી જાઓ છો. ‘ કરું ક્યા, આશ નીરાશ ભયી.’ એમ મનમાં ગણગણતાં તમે ઘર ભણી પ્રયાણ આદરો છો.

   અને વર્શો વીતી ગયા બાદ પણ, જ્યારે તમે ત્રણે મીત્રો મળો છો; ત્યારે એક વાગ્યાની  એ ત્રણ કટીંગ ચાના ઓર્ડરને યાદ કરી મુક્ત મને હસી લો છો. પંચતારક હોટલમાં રાત્રે એક તો શું? – બે કે ત્રણ વાગે પણ તમે કોફી શોપમાં ચા-કોફી પીવા હવે શક્તીમાન છો. પણ એ કટીંગ ચાની મસ્તી એમાં ક્યાં?

      એ હોટલમાંથી એક વાગે માનભેર વીદાયમાન પામવાની યાદ તાજી કરીને તમારા મુખમાંથી શેર અચુક સરી પડે છે ….    ’ગાલીયાં ખાકર ભી બેમજા ન હુઆ. ‘ 

—————————

જયેશ ભાઈના પોતાના શબ્દોમાં ….

       આ ઘટનામાં તમને રસ પડે ન પડે પણ અમે ત્રણ મીત્રો આજે પણ આ ઘટના યાદ આવે ત્યારે હસીએ છીએ. આ વાત અમે કોલેજમાં હતા ત્યારની છે મધ્યમવર્ગીય દોસ્તો મુંબઇના તારદેવ વીસ્તારમાં રહેતા હતા એક વાર બસસ્ટેંડ પર વાતો વાતોમાં રાતના એક વાગી ગયો. ખબરજ ન પડી. ઘર તરફ જતાં જતાં એક ચાની હોટલ ખુલ્લી જોઇ, અંદર ગયા અને રોફથી ત્રણ કટીંગ ચા મંગાવી. એ વખતે ચા વીસ પૈસામાં ફુલ, અને દસ પૈસામાં કટીંગ મળતી હતી. 

      હોટલ વાળા એ અમને ત્રણેયને ખખડાવી બહાર કાઢી મુક્યા હતા. હા! રીતસરના બહાર કાઢી મુક્યા હતા. આજે પંચતારક હોટલમાં બેસીને ચા પી શકીયે છીએ; પણ એ મજા નથી, જે કટીંગ પીવામાં હતી. અને એ મનસ્થીતી આજે ક્યાંથી લાવવી એ સવાલ પણ ઘણી વેળા ખુદને કરતા હોઇએ છીએ !

Read Full Post »

આજે ફરી વાર ફીલ્મ સંગીતની વાત સંગીત કાર સલિલ ચૌધરી મનગમતા સંગીતકાર છે એમના એક ઇંટર્વ્યુમાં એમણે સંગીતની પ્રેરણા માટે કહ્યું હતું કે પાંદડાની મરમરમાંથી પણ સંગીત મળે લશ્કરની કવાયતની કુચનુ સંગીત એમણે એમના મધુર ગીત માં વણ્યું છે રશીયન આર્મી બેંડ નું સંગીત અને ગીત છે અપની કહાની છોડ જા કુછતો નીશાની છોડ જા ફીલ્મ દો બીઘા જમીં ના આ ગીતને દ દ દ ની ભાષામાં ગણગણી જુઓ લશ્કરની કવાયતનો અંદાઝ આવશે

Read Full Post »

વાત અનુવાદની બ્લોગ પર ચર્ચાઇ રહી છે હરસુખભાઇ અને જિતેન્દ્ર દ્વારા ત્યારે વર્ષો પહેલાં નિકાહ ફીલ્મનું દીલકે અરમાં નો કરેલો ભાવાનુવાદ યાદ આવે છે

આશાઓનાં આંસુઓમાં ઘર રહે

શ્રધ્ધાને વિશ્વાસનાં સુના નગર રહે

ઓગાળી અસ્તીત્વને શું ફાયદો

અંતર તો હંમેશ સમાંતર રહે

ટળવળે તૃષામાં જીંદગી સતત

ને પ્રતિક્ષામાં જ આ નજર રહે

કેટ્કેટ્લા ઝખમ સહેશે આ હ્ર્દય

નિતનવા ઝખ્મોની એને ફીકર રહે

Read Full Post »

મહર્ષી અરવીંદ

Read Full Post »

Older Posts »